MedMission gipahigayon sa urban poor sa Buhangin

ANG Simbahan nagsaulog karon sa Great Jubilee Year of Mercy diin gi-awhag ang tanang katawhan sa pagbuhat sa lawasnong buhat sa kalooy kon “Corporal Works of Mercy.” Mao nga ang St. Mary of the Perpetual Rosary Parish sa Buhangin, nagpahigayon og Medical Mission sa Sto. Niño GKK, Uyanguren, Tigatto, Davao City diin nahisakop sa Urban Poor Community kaniadtong June 11, 2016, aron masinati sa katawhan nga ang kalooy sa Dios managsama alang sa tanan; libreng konsulta sa doctor, libreng medisina ug food packs ang gipanghatag agi’g pagtubag sa awhag sa pag-atiman sa mga masakiton ug pagpakaon sa mga gigutom.

Mikabat sa 183 ka mga masakiton ang na eksamen sa doktor ug syento dyes (110) ka mga pamilya ang nakadawat og food packs. Napahigayon kini sa dakung kasayon ubos sa pagpanguna ni Fr. Jess H. Samaniego inubanan sa PSAM coordinator, Joel Corage ug mga PSA, Caritas ug uban pang GKK Servant Leaders (GSL). (Nila Ellie Sabucido / Hermie Mapute)