Lay Eucharistic Ministers (LEM) sa St. Mary gipadala aron sa pagtubag sa hagit

Mga bag-ong Lay Eucharistic Ministers kauban ni Fr. Jess Samaniego, kura paroko sa St. Mary of the Perpetual Rosary Parish, Buhangin. (Photo: Hermie Mapute)

Nobentay-syete ka Lay Eucharistic Ministers apil ang 14 ka bag-ong LEM ang mitubag aron sa pag-alagad sa katawhan sa Dios sa Simbahan sa St. Mary of the Perpetual Rosary Parish, Buhangin.

Gipadala ang mga bag-ong LEM sulod sa Santos nga Misa nga gipangulohan sa Kura Paroko nga si Fr. Jess Samaniego atol sa Solemnidad sa Lawas ug Dugo ni Kristo, Mayo 29, 2016.

Ang tanan gipahinumduman sa kura paroko sa ilang dakong tahas sa pagtugyan sa kaugalingon nga malipayon, tungod kay dili tanan ang gitawag nga mahimong alagad sa pag apod-apod sa Lawas ni Kristo. Usa kini ka gasa, prebilihiyo ug hagit sa pag-alagad. Sumala pa ni Fr. Jess, maningkamot nga puy-an ang kinabuhi nga gipakita sa Ginoo aron mahimong sumbanan sa uban.

Apil sa buluhaton sa mga LEM mao ang pagpakalawat sa mga masakiton nga nakadawat sa Sakramento sa Paghilog sulod sa 55 ka mga GKK nga sakop ning maong Parokya. Ang nangulo ning maong grupo mao ang bag-ong napili nga Coordinator nga si Cezar Buagas; Asst. Coordinator, Joe Cadiatan; Secretary, Noe Sollestre; Asst. Secretary, Roy Lumanog; Treasurer, Leo Haw; Asst. Treasurer, Precy Legwes; Worship Committee Coordinator, Naldz Villodres; Asst. Worship Committee Coordinator, Gerry de Jesus; Service Committee Coordinator, Jojo Daniel; Asst. Service Committee Coordinator, Rene Carillo; Formation Committee Coordinator, Pons Montecillo uban sa mga Formators sa Parokya nga mga LEM. Ang formation ug meeting sa ministriya pagahimoon matag unang Biernes sa bulan atol sa Eucharistic Vigil sa alas 7:00 sa gabii. (Naldz Villodres, SMPRP SoCCom)