DOSCST hugot nga nagtinguha pagkab-ut sa University Status

DOSCST hugot nga nagtinguha pagkab-ut sa University Status
Padayon karon ang pagpaningkamot sa Dvo Or. State College of Science and Technology (DOSCST) alang sa pagkab-ot sa gitinguha nga university status. Gibutyag kini ni Vice-President for Research and Extension Roy Ponce sa usa ka pakig-hinabi sa DXHM/DXDV news team. Gipasabot niya nga gina-comply karon sa College ang mga requirements alang sa pagkuha sa university status. Gidugang pa niya nga sa natad sa gidaghanon sa mga estudyante, sa pag-upgrade sa mga kurso nga ginatanyag sa DOSCST, sa paghasa pa usab sa faculty, natuman na kini. Usa sa mga gitutukan nila karon mao ang pag-improve pa sa mga pasilidad, sama sa laboratorio. Kalabot ni-ini, naka-pipeline na matud pa, ang usa ka laboratory building nga aduna na’y allokasyon. Giduso ni Ponce nga target karon ni College President Edito B. Sumile nga sa mosunod nga mga tuig sa iyang termino, malatid, mahan-ay, ug ma-comply ang tanang mga gikinahanglan alang sa pagka-unibersidad sa state college. Sa kasamtangan, diyes mil ang ilang student population: 70% gikan sa main campus, ug 30% gikan sa San Isidro, Cateel, ug Banaybanay campuses.  Kauban usab si Fr. Danilo C. Fuentes sa Board of Directors.

Brigada Skwela 2016 panawagan gitubag
Mga stakeholders sa mga tulunghaang Catoliko/Pribado ug Publiko ang giingong madasigong mitubag sa panawagan alang sa Brigada Skwela nga nagsugod niadtong Mayo 30 hangtud Hunyo 5, 2016. Nasayran nga bisan ang mga students’ governing council ang mitabang sa paghupot og responsabilidad sa maong pagpaningkamot aron ma-andam ang nagkadaiyang mga tulunghaan sa pag-abli sa klase sa bulan sa Hunyo. Nakita ang mga ginikanan, mga estudyante, mga magtutudlo nga nagdala sa mga kinahanglanon alang sa brigada. Sa laing bahin, gipadayon usab ang Reading isip usa sa mga requirement alang sa Grade 7, samtang enrollment sa public schools gitakda karong Hunyo 6-10, 2016.