Tutuk sa City of Mati Schools Division ang Brigada Eswela

Tutuk sa City of Mati Schools Division ang Brigada Eswela
Human sa eleksyon, mamahimong tutuk unya sa City of Mati Schools Division Office ang tinuig nga pagpahigayon sa Brigada Eskwela. Mitumaw kini sa gihimong pagpanubay sa DXHM/DXDV ug TCTV news team. Gipasabot pa sa Division nga sama sa nangaging katuigan, nadasig karon ang mga participating schools sa pagsalmot sa brigade. Ang Brigada Eskwela ang usa ka tinuig nga kalihokan sa pagpangandam sa mga tulunghaan sa pag-abli sa klase alang sa school year 2016-2017. Pinaagi kini sa pagtinabangay sa mga magtutudlo, mga ginikanan, ug mga estudyante sa pagpanghinlo, mag-repair sa mga naguba nga mga lamesa ug mga bangko, pag-pintura, ug uban pa. Nagsilbi usab kini nga kompetisyon sa mga tulunghaan sa ilahang mga pagpangandam nga gihimo. Ning tuiga, magsugod ang Brigada karong Mayo 30, 2016, paghuman sa enrollment. Ang abli sa klase ning school year alang sa pampublikong tulunghaan gitakda na karong Hunyo 13, 2016. Usa sa mga midaug sa Brigada sa mga nangaging katuigan mao ang Davao Oriental Regional Science High School. Ang Regional Science High School ang ubos karon sa pagdumala sa school principal nga si Ms. Flavia Latras.

Mayor sa Mati nanghinaut nga maduso ang lokal nga turismo
Panghinaut karon ni Mayor Carlo Rabat sa Mati nga mahingpit pa gayod ang pagduso sa lokal nga turismo sa siyudad human sa dili pa lamang dugay gipahigayon nga summer frolic 2016. Gipasabot pa sa Mayor nga sa pagdagsa na usab sa mga turista, lokal ug langyaw sa summer frolic, mas mamahimo pa unyang inila ang siyudad sa natad sa turismo, hilabi na ang Dahican. Nabantog nga usa sa mga pinaka-maayong lugar alang sa skimboarding, ang Dahican ang pinuy-anan usab sa mga endangered species, sama sa dolphins, dugong, butanding, ug mga pawikan. Pipila ka gatus na ka mga pawikan ang nangitlog sa Dahican, partikular sa Amihan sa Dahican. Gipasabot pa sa city government nga ikaduso pa gihapon ang lokal nga turismo nga dili makompromiso ang pagpreserbar sa mga marine ug coastal resources sa siyudad.