Pagsaulog sa Roses for Mary Nagmalampuson

Nagmalampuson ang pagsaulog sa “Roses for Mary” nga programa agi’g pahigayon sa kapistahan sa Mahal nga Birhen sa Fatima kadtong Mayo 14, 2016 ug kini gipahitabo didto sa Shrine of Our Lady of the Most Holy Rosary sakop sa parokya sa St. Mary, Buhangin, nga gipangunahan sa Confraternity of Perpetual Rosary (CPRM) Davao, Digos, Tagum, ug Mati ug uban pang nagkalaing-laing parokya sa Arkidiyoses sa Dabaw.

Gisaulog ang Roses for Mary agi sa usa ka selebrasyon sa Santos nga Misa nga gipangulohan ni Msgr. Maximo Sarno. Aduna sab choral presentations ug quiz bowl nga giapilan sa lahi-lahi nga mga parokya ug koronasyon sa Mary’s Roses Queen nga si Myka Galendez nga gikan sa GKK sa St. Jude nga sakop niining maong parokya. (Hipolito Sapero)