PSAM Coordinators Nangandam alang sa Piniliay 2016

Nangandam na ang tanang mga Parish Social Action Ministry sa Arkidayosis sa Dabaw alang sa pagahimoong Nasudnong Piniliay karong Mayo 9, 2016.

Gipahigayon ang dugang pagpasabot sa mahinungdanon nga papel sa mga PSAM coordinators sa pagpadagan sa political education sa 38 ka mga parokya nga gilangkuban sa hapit 2000 ka mga Gagmay’ng Kristohanong Katilingban (GKK).

Atol sa ulahing panagtigom, pahingusgan pa ang pagpalista sa mga volunteers diha sa mga parokya samtang lig-onon usab ang koordinasyon tali sa mga ECHAMP coordinators gikan sa Davao Association of Catholic Schools (DACS) ug sa mga PSAM Coordinators alang sa maong katuyuan.

Gihatag sa mga parokya ang siyento por siyento nga commitment alang sa political education ug sa pagtabang sa pagpalista sa mga volunteers nga maoy gipasibaw usab ni Fr. Dublan atol sa ulahing panagtigom sa mga kaparian sa Dabaw.