Pista sa Divine Mercy nagtumong sa Kalouy, Eyukaristiya ug sa Pamilyang Pilipino

Libuan ka mga sakop sa Divine Mercy Apostolate ang magtapok alang sa usa ka concelebrated Mass nga panguluhan ni Archbishop Romulo Valles atol sa kasaulogan sa Divine Mercy Sunday, Abril 3, 2016.

Ang Misa nga gitakdang pagahimoon sa San Pedro Cathedral maoy kinuyokan sa pagsaulog sa kapistahan sa Divine Mercy nga pagasundan sa usa ka prosisyon palibot sa mga nag-unang kadalanan sa dakbayan sa Dabaw.

Nagtumong sa ika-26 nga kasaulogan sa Mercy Sunday mao ang tema, “Mercy and the Holy Eucharist in the Filipino Family,” isip usab sa pagsaulog sa Year of Mercy ug sa Year of the Holy Eucharist and Family.

Gisugdan ang mga novena ug misa niadtong pang Biyernes Santos hangtod sa Domingo sa Pagkabanhaw diin gilibot kini ngadto sa nagkalain-laing mga simbahan sama sa St. Francis of Assisi-Maa, Our Lady of Lourdes-Bangkal, St. Francis of Assisi Quisi Parish-La Verna, St. Mary of Perpetual Rosary-Buhangin, Our Lady of the Assumption-Torres, Virgen delos Remedios-Crossing Bayabas, Toril ug TV Mass niadtong Abril 1.

Ang debosyon sa Divine Mercy gidala sa tibuok kalibutan sa mga misyonaryo sa Marians of the Immaculate Conception. Sila miadto sa Pilipinas sugod niadtong Hunyo 2008.

Giimbitar mismo ni Msgr. Josefino Ramirez, vicar general sa Archdiocese of Manila ug director sa Divine Mercy Apostolate sa Pilipinas, ang maong mga misyonaryo nga maoy opisyal nga mga promotor sa tinuoray nga Divine Mercy nga mensahe sukad pa niadtong 1941.

“They have the necessary theological, religious, scriptural, and pastoral background for the spread of the devotion and the Apostolate. I am sure there’s so much help they can do, and through them, the Philippines can be more prepared to cope with the divine tasks ahead of us.”

Ang Eyukaristiya nga bahin sa bokasyon ug misyon sa matag usa ka pari sa Marian maoy labing mahinungdanon ug “relevant.”

“They have been with me, too, in establishing the devotion to the Eucharist through their apostolate, the Eucharistic Apostles of The Divine Mercy. I consider this dimension very vital in our Catholic faith and likewise with regards to the Divine Mercy devotion,” siya midugang.

Gawas pa niini, ang Pilipinas us aka “Marian” nga nasud ug ang mga mitabang nga mga Marian dili gayud mamahimong estranghero sa us aka nasud nga gimahal pag-ayo ni Maria, ang Inahan sa Kaluoy!