Ambit-DXGN Gisugdan na!

Gisugdan na ang regular nga programa sa radio sa DXGN 89.9 SPIRIT FM nga gitawag ug, “AMBIT-DXGN.”

Ubos sa News and Current Affairs, ang “AMBIT-DXGN” unang nagsibya sugod Marso 28, adlaw’ng Lunes, alas 7 sa buntag.

Ang programa nga magtuki sa nagkalain-laing isyu nga may kalambigitan sa mga panghitabo ug sa Kristohanong kinabuhi, i-presentar ang mga opinyon ug posisyon ug hatagan ug maayong pagpasabot sa baruganan sa Katolikong simbahan.

Sa unang pagsibya kon maiden broadcast, gipanguluhan ang forum ni Danilo Laygan, usa ka kanhing graduate sa St. Francis College Seminary, milangyaw ug dugay nanimuyo sa Australia apan karon mibalik aron nga magserbisyo sa simbahan isip program anchor sa DXGN 89.9 Spirit FM.

Gituki sa maong unang pagsibya ang mahitungod sa “social dimension of Resurrection” kon ang katilingbanon nga bahin sa Pagkabanhaw sa mga guest speakers nga si Fr. Joel Caasi, direktor sa Archdiocesan Liturgical Center ug kura paroko sa San Isidro Parish, Catalunan Grande, inubanan ni Dr. Sergio Opena. Assistant Dean sa St. Alphonsus Theological Mission Institute, Fr. Ritsche Gamaya, director sa Archdiocesan Commission on Social Communications ug ni Annie Libres, Program ug Production sa DXGN isip co-host.

Gipasabot ni Fr. Joel Caasi nga dili gayud mamahimong kalikayan ang mga kalisdanan sa kinabuhi sama sa mga kasakit nga nahiaguman ni Hesu Kristo, “ang gikinahanglan lamang mao ang pag-embrace (pagdawat) niining mga sakripisyo ug mag-ampo inubanan sa pagtoo ug pagsalig ngadto sa Ginoo.”

Samtang si Dr. Opena miingon nga, “sa panultihon karon sa kabatan-onan nga kung maka ‘move-on’ ka na, mao na kana ang resureksyon kon ang pagkabanhaw.”

Konkreto nga mga ehemplo nga gipadayag ni Fr. Gamaya mao ang mga pag-antos nga nahiagoman sa mga nasunugan sa Kasilak ug sa San Juan niining bag-o pa lamang, kansang mga biktima gitabangan sa nagkalain-laing sector lakip na sa simbahan.

Ang tanang sibya sa DXGN 89.9 Spirit FM makita usab sa internet pinaagi sa LIVE STREAMING, sa address, http://www.ustream.tv/channel/4J43eyYPn5S.