Makapasalamat Festival sa Sasa Parish gipangandaman

Gipangandaman sa parokya sa St. Joseph the Worker, Sasa ang pagpahigayon sa gitawag nga MAKAPASALAMAT Festival karong umaabot Abril 30, 2016.

Ang MAKAPASALAMAT kinutlo gikan sa tema nga MA-mumuong KA-tawhan ni San Jose sa Pa-mpanga, SA-sa, LA-nang nga MAT-uohon. Saulogon ang Festival pinaagi sa usa ka street dancing nga pagasalmutan sa nagkalain-laing grupo gikan sa walo ka mga zona.

Adunay duha ka hugna sa kompetisyon, ang mobile performance ug ang focal presentation nga pagahimoon sulod sa Holy Cross of Sasa grounds.

Matud ni Fr. Dionisio Tabiliran, kura paroko sa St. Joseph the Worker Parish, “This is an additional program for the 52nd fiesta celebration of our parish. Kindly pray for the success of this first time activity that we are going to undertake this year.”

Nangayo usab ug mga pag-ampo si Fr. Diony ingon man sa hugot nga suporta ug aktibo nga partisipasyon sa mga parokyano. Gidapit usab niya ang tanang katawhan nga mosaksi sa pagahimoong MAKAPASALAMAT Festival ug makig-sadya kanila, “to make this dream come true.”

Siya midugang, “United we stand divided we fall as the saying goes. May God be with us always. Please include this always in your prayers. See you this coming April 30, 2016 in the morning.”