Ang Saad

Matud pa sa usa ka Jesuit nga pari, “A doubly-educated person is someone who can write well and speak well.” Sila maayong mamaba. Magsasangyaw sa pulong sa Diyos, kapin 30 ka tuig na ang Catholic Faith Defenders (CFD) sa Dabaw. Human ang Media Baby ka ba? Newswriting workshop kanila niadtong February 11, ania ang usa kanila nga misulay ug pamalandong kabahin sa isyung “other woman” nga kanunay natong makit-an sa mga pasalida sa telebisyon.

Ang Saad
ni Joe R. Buanhug | Catholic Faith Defender

Ngano’ng ang ubang lalaki’ng may asawa mangita pag laing babaye sa ilang kinabuhi? Ang uban miingon “poul ang pagkaon kon kanunay kaonon”, diretso’ng pagsabot gipol-an sila sa ilang asawa. Unsay hinungdan? Matod nila tungod gihapon sa mga babaye, ang ilang postura naghatag bitamina sa among mga mata.

Pangutana, gikalimtan mo ba ang saad sa imong asawa atubangan sa Dios panahon sa inyong kasal? Misaad ba kamo aron lang pakyason ug pasakitan ang usa kaninyo?

Miingon ang Diyos diha sa Balaang Kasulatan:

Busa pagmatngon kamo nga dili ninyo lapason ang gisaad ninyo sa inyong asawa sa pagkasal kaninyo sa batan-on pa kamo. Dili ko gusto nga magbulag kamo. Dili ako gusto nga buhaton sa bana kining daotang butang. Busa pagmatngon ug ayaw lapasa ang inyong gipanumpaan. (Malaquias 2:15-17)

Miingon si Jesus, “wala ba kamo makabasa sa Kasulatan? Sa sinugdan ang Dios naghimo kanila nga lalaki ug babaye. Tungod niini ang lalaki mobiya sa iyang amahan ug inahan aron motipon sa iyang asawa, busa dili na sila duha kondili usa lamang.” (Mateo 19:4-5)

Marcos 10:11-12 miingon si Jesus, ang bana nga mobulag sa asawa ug mangita’g laing babaye, nakapanapaw sa iyang asawa. “Tungod niini, dili bulagon sa tawo ang gihiusa sa Dios.” (Markos 10:9)

Pahimangno ni San Pablo, “Patya ninyo ang kaibog sama sa pakighilawas sa uban, kalaw-ayan, kaulag, kahakog kay kini ang paagi sa pagsimba sa diosdios” (Colosas 3:5).

Unsay mahitabo niadtong mga nagsupak sa kabubut-on sa Dios?

Ang mabudhion (traydor), ang malaw-ayon, ang makighilawason sa uban, ang mga bakakon gayod sa linaw nga kalayo, ang ikaduhang kamatayon, sakiton sila hangtod sa kahangtoran. (Gipadayag 21:8)

Salamat Brod. Joe sa pagpahinumdum sa tanang mga magtiayon sa kabililhon sa sakramento sa kaminyoon. ‘Til next kwentuhan higala! ~ Cheryl