Mga Pangulo gipadala ug mitahan sa pulong ug buhat

Usa ka makahuluganong higayon napahitabo ang Parish GSL Day sa St. Joseph the Worker Parish, Sasa niadtong Feb. 13, Sabado. Gitambongan sa kapin sa pito ka gatos ka mga GKK Servant Leaders (GSL). Ug nahitabo ang “Sending Forth” sa mga GKK Ministriya ug mga opisyales sa Center Organizations.

Diha sa wali sa Santos nga Misa nga gihimo alang sa pagpadala ug panaad sa mga lederes ang kora Paroko, Fr. Dionisio Tabiliran nagkanayon, “gisaulog nato karong ang pagka-maalagaron apan ang pangutana, natuman ba ninyo ang inyong gisaad niadtong milabay nga tuig? Ang kahulugan niining GSL mao kini: G-greater glory of God, S-Shepherding ug ang letra L-to the Lord. Matud pa niya ang Pagkapangulo salamin sa panig-ingnan diha sa pulong ug buhat. God is alive when man is fully alive. Bisan sa atong kaluya hinumdomi ang Ginoo buhi,,ang grasya sa Ginoo nagalihok kanunay, unsa ang atong kakulangan ang Ginoo na ang magpuno niini. Hinaut pa makapadayag unta kini sa atong pagkamapasalamaton. To become good shepherd that is loving.”

Ug gihatag ni Fr. Diony ang bendisyon sa mga GSL nga mitahan sa ilang kaugalingon aron sa pagpangalagad ngadto sa ilang tagsa-tagsa ka mga katilingban, sa pagsangyaw ngadto sa mga pamilya, nga mapalambo ug makinabuhi ang Diosnong pagtoo.

Ug gisaulog ang pagkamapasalamaton diha sa pag-inambitay sa mga pagkaon nga gipangdala gisaluhan sa tanan.

Sa pagkahapon gipahigayon ang Zonal Chorale Contest. Gipasundayag ang mga kanta composed by Fr. Dionisio Tabiliran, sa side piece ug ang contest piece “Matag Pundok Banay” ang nakadaug sa unang ganti mao ang Zone 8, ika duha ang Zone 1 ug ang ikatulo Zone 2.

Nagpadayon ang hudyaka ug kalipay sa mga Servant Leaders ilabina ang tanan nakadawat sa gipa Raffle draw ang mga major ug minor giveaways. Gipasalamatan ang tanan tungod kay nahimong kabahin sa daghang mga kalambuan sa parokya diha sa materyal ug espiritual nga bahin sa kristohanong pagtubo. (Amie Desquitado, SJWP SocCom)