GKK Sto. Niño Suportado sa sibiko

Kalinaw. Kalipay. Kahiusahan.

Kini maoy dakung gipasalamat sa mga organizers sa milabay nga pista ni Sr. Sto.Niño GKK sakop sa parokya sa San Miguel Parish, Panacan. Gipanguluhan sa mga batan-on nga sila Ryan Jay B. Calsa, Elvir John Empasis, Gina Yagon, ug John Jeus Yagon, nahimong malampuson ang pagsaulog sa kapistahan tungod kay nakig-alayon kanila ang sibikong grupo.

Sa ika-48 ka tuig, ilang gipahigayon ang “That’s my Mama 2016”, “Beautification Contest”, ug “Indak Kasadya.”

Human mapasundayag ang nagkalain-laing mga kasuotan ngadto sa mga katawhan, midaug sila (2nd Runner-up) Inday Quinitio, (1st Runner-up) Analyn Quindao, ug (That’s my mama 2016) Celiza Fe Tumulak.

Lima ka entries nga adunay maanindot nga designs ang makita sa matag street sa Beautification Contest. Bibo ang “Indak Kasadya 2016” nga adunay duha ka judging process, Street Showdown ug Final Presentation. Nindot ug nag klase- klase ang mga costume ug props ang gigamit sa maong programa.

Daug sa Beautification Contest: 2nd Runner-up – Beside Basketball Court, 1st Runner-up – Diding Yap Area ug ang Champion street nila Anot Pasiola. Samtang sa “Indak Kasadya”: Best in Music – Zone 1, Best in Props/Costume – Zone 2A, Best in Storyline – Zone 2B, Sinulog Queen 2016 – Zone 2A ug ang nahimong 2nd Runner-up mao ang Zone 1, 1st Runner-up mao ang Zone 2B, ug ang nahimong champion mao ang Zone 2A.

Suportado ang maong contest sa mga hurado nga sila Rev. Fr. Rey Sabuero, SSA, Sr. Maricel ug Sir Rusty Salazar Corsame, Campus Minister sa Archdiocese of Davao.

Ang kahapsay sa mga programa dili mamahimong posible kon walay panaghiusa ang simbahan ug ang barangay. Magpadayon ang maong GKK sa pagpalambo hangtud sa sunod tuig. (Ryan Jay Calsa, GKK SoCCom, SMP with report from Rusty Corsame)