“Candelaria”

Naandan kaniadto nga 40 diyas gikan sa pagkatawo sa bata, ang bata kinahanglan nga ihalad sa templo… unya magdala sila ug apil sa halad sa bata ang mga halad.

Ang mahal nga birhen naghalad kang Hesus ngadto sa templo.

Paghalad sa templo atong nabati nga dunay tawo didto sa templo nga naghulat kang Hesus, si Simeon kinsa miingon nga… (human siya mamakita kang Hesus) “karon Ginoo kay imo na mang gituman ang imong saad, itugot nga ang imong sulogoon malinawon nga mohalin niini nga kalibutan,” sa to pa, “pwede na ko mamatay.”

“Usa ka kahayag…” mao kana sa dugay na kaayo nga mga tuig nga nangagi, ang simbolo sa kandila, mao si Hesus. Ang bata nga si Hesus, usa ka kahayag. Mao kana nga magdala kita ug kandila atol niining kapistahan sa Presentation of Jesus.

Nganong naggunit man ta ug kandila? Sa unang pag-ampo nag-ingon nga unta kita mamahimong sama kang Kristo kahayag alang sa uban.

Ug kay kita mga anak sa Diyos, ug anaa kang Kristo, kita usab maoy simbolo sa kahayag.

Matandog gyud ta… kung atong susihon ang atong kaugalingon, angayan ba kita nga mamahimong usa kang Kristo nga mamahimong kahayag sa dalan alang sa uban.

Kahayag ba pud kita alang sa uban? — mao kini ang dakong hagit.

Ang ikaduhang tawo didto sa templo mao si Maria.

Andam ba kita nga mogunit kang Hesus sama ni Maria… andam ba ang atong mga kasingkasing sama kang Maria nga modawat sa mga pag-antos sa pagpasakit kang Hesus. Ang atong pagtoo sama ba kang Maria, rain or shine!

Andam ba kita na mosagubang sa mga kalisdanan ug mga hagit sa kinabuhi?

Andam ba kita nga maminaw… gyud sa atong konsensiya kung makaatubang kita bahin sa pagtulun-an ni Kristo?

Dinha sa pagtulun-an sa Ebanghelyo, ang atong konsensiya dili gyud pwede magbungol-bungol sa paghimo sa maayo.

(excerpts from Abp. Valles homily during the Holy Mass at the feast of Virgen delos Remedios Parish, Crossing Bayabas, Toril)