Mga Lideres sa GKK Mangampanya alang sa Social Communications

Nagkahiusa ang mga lideres sa GKK gikan sa San Pedro Cathedral ug sa Ascension of our Lord Parish nga buhaton ang misyon sa pagpakaylap sa Maayong Balita pinaagi sa Davao Catholic Herald ug sa DXGN 89.9 Spirit FM.

Kapin sa 50 ka mga mitambong sa panagtigom sa mga Pangulo sa Katilingban ug Caritas head sa mga Gagmay’ng Kristohanong Katilingban sa San Pedro Cathedral mipasibaw sa ilang himoong mga aksyon alang sa pagsuporta sa Davao Catholic Herald ug sa DXGN 89.9 Spirit FM pinaagi sa pagkampanya alang sa pagbaton ug kopya sa Katolikong mantalaan matag pamilya, matag lider, ug matag kapilya ug sa pagpaminaw sa Katolikong Radyo (DXGN) nga karon madunggan na sa iyang test broadcast.

Mao usab kini ang hiniusang nakab-ot nga mga action plan sa mga kalihim sa GKK kon ang gitawag na karon nga Social Communications Committee (SOCCOM) sa Ascension of the Lord Parish, Matina atol sa ilang binulan nga panagtigom.