“INTER MIRIFICA” Gipasabot sa GKK Leaders sa Los Amigos ug Peñaplata

Duha ka hut-ong sa mga lideres sa Gagmay’ng Kristohanong Katilingban ang positibong mitubag sa hagit sa dokumento sa “Inter Mirifica” kon and Dekrito sa Social Communications sa Vatican.

Sa gipahigayong kampanya sa mga lideres sa GKK sa Archdiocesan Commission on Social Communications, gipasabot sa Direktor sa ACSC nga si Fr. Ritsche J. Gamaya, DCD, ang kabililhon sa paggamit sa modernong mga kahimanan sa media alang sa pagsangyaw sa Maayong Balita.

Nasabtan sa mga Pangulo sa Katilingban kauban sa ilang tagsa-tagsa ka mga Secretary ug Treasurer nga dako ang epekto sa paggamit sa mass media sama sa Davao Catholic Herald, DXGN 89.9 Spirit FM, social media ug mga new media sa katumanan sa misyon sa pagpakaylap sa Maayong Balita.

Isip tubag sa tawag sa maong misyon, gipadayag sa mga lideres nga suportahan ang Davao Catholic Herald ug DXGN 89.9 Spirit FM pinaagi sa ilang mga panahon, talento ug financial nga kaakuhan.