IEC Ipahigayon sa Cebu

Human sa malampuson nga pagbisita ni Pope Francis sa Pilipinas niadtong tuig 2015, diin iyang gi bisita ang mga biktima sa bagyong Yolanda sa Leyte ug Takloban, karong tuiga ang Pilipinas napili na usab, diin ipahigayon ang dakong tigum sa mga Katoliko ang International Eucharistic Congress, kon (IEC) sa Cebu City karong Enero 24-31,2016, uban sa tema “Christ In You, Our Hope of Glory.”

Personal mismong gipili ni kanhi Pope Benedict XVI ang Pilipinas nga mahimong host sa maong International Religious Events.

Matud pa ni Archbishop Emeritus Ricardo Cardinal Vidal siya nagpasalamat sa Ginoo nga siya mismo nakasaksi sa pagsugod sa pagtukod sa mga gambalay nga gihimo alang sa maong Congress sa Cebu. Isip giila ang Pilipinas nga talagsaong Christian Nation in Asia, or kadaghanan sa mga Pilpino mga Katoliko. Gibanabana nga mukabat sa 15,000 ka mga delegado gikan pa sa mga nagkalain laing nasod ang mutambong sa maong Pulong.

Matud pa ni Auxiliary Bishop Dennis Villarojo nga posible pa nga madugangan ang maong ihap sa mga degegado tungod kay hangtud sa Enero 20 pa ning kasamtangang tuig ang registration.

Busa nanawagan si Manila Archbishop Cardinal Luis Antonio Tagle ngadto sa mga katoliko nga mutambong sa maong Relihiyosong kalihokan nga ipahigayon sa Pilipinas. (Jamela Pailago-Winters)