“Happy New Year: Happy New You!”

Malipayong gitimbaya ni Arsobispo Romulo Valles ang kapin 2000 ka mga Pangulo sa Alagad sa tibuok Arkidayosis kinsa nagkatigom niadtong Enero 9, 2016 sa Regional Major Seminary, Catalunan Grande, sa tema: “Kristohanong Pag-alagad sa Kalooy sa Ginoo Nagsumikad ug sa Eukaristiya Molungtad.”

Sa iyang homiliya, gidasig ang tanang mitambong nga mga PSA nga kanunay moduol sa tuburan sa pag-alagad, ang Eyukaristiya.

Gipadayag usab niya ang kahimuot sa pasiunang pag-ampo nga nagkanayon, “Makagagahum nga walay kinutuban nga Diyos,” nga pinaagi kang Hesukristo, nahimo kitang tanan nga mga bag-ong binuhat.

“Brand new, energized matag higayon nga moduol kita sa Ginoo.”

Ang kabag-ohan mao ang pakighiusa sa Ginoo kinsa naghiusa usab kanatong tanan. Mao kini ang atong identity (ilhanan) kung mag-alagad kita sa simbahan.

Adunay tulo ka kategoriya nga kita mailhan nga anaa sa Diyos:
Una nga dimension, diha sa pagpaambit kon teaching ministry, makatandog sa uban;
Ikaduha nga dimension, sa pag-ampo, “ang simbolo, ang liturhiya ug debosyon” makatandong;
Ikatulo mao ang mga lihok kon ang gitawag nga “Acts of Mercy, Charity” nga makatandog sa katawhan nga diha mabati ang kalouy sa Diyos.

Sa ikaduhang bahin, adunay duha ka personalidad nga gihisgutan sa Pagbasa: si San Juan Bautista ug si Hesukristo. Si Hesus ang miduol kang San Juan aron nga magpabunyag apan miingon si San Juan nga “Kinahanglan ako ang mokunhod kay Siya (Hesus) ang ipadako.”

“Nindot kini kanatong nia sa Social Action Ministry,” tungod kay sa atong kinabuhi, naghiusa kanato ang Ginoo sa atong kinaiya nga “Diyosnon.”

“Bantayan nato ang atong identity, ang atong tinubdan, nga kita mabag-o,” aron nga “confident” kita nga molihok tungod kaya ng Diyos anaa sa atong taliwala.’

Ang konkretong bunga niini karon mao ang skills nga atong nabatonan. “Kining tanan, nakasukad sa atong inspirasyon, atong tinubdan nga maoy nakapasustenir kanato luyo sa mga “obstacles” kon mga babag sanglit hugot ang atong pagtoo ug nagpabilin kita nga mabungahon.”

Nahimo kitang malampuson sa katapusan tungod kaya ng Diyos hiniusa kanato, sa mga practitioners sa PSAM, sa tanang mga level, archdiocesan, parochial o GKK.”