GKK Secretaries sa Sto. Rosario, Toril midawat sa Inter Mirifica

Kapin kon kulang 50 ka mga sekretarya kon ang gitawag karon nga mga Social Communications Committee sa parokya sa Sto. Rosario, Toril ang gipasabot sa Dekrito sa Social Communications nga gipagawas sa Ikaduhang Konseho sa Batikan niadto pang tuig 1965.

Gipasabot ni Fr. Ritsche Gamaya, Direktor sa Archdiocesan Commission on Social Communications ubos sa Davao Verbum Dei Media Foundation, Inc. nga sa maong dokumento, gilatid ang nagkalain-laing mga instrumento sa media nga mamahimong gamiton alang sa pagpakaylap sa Maayong Balita.

“Dili ang tanang impormasyon nga atong madunggan o makita sa nagkalain-laing media karon, maayo apan ang labaw nga mahinungdanon mao ang Kalouy or Gugma,” si Fr. Gamaya nagkanayon.

Mao kini ang gihisugtan sa gipahigayon nga workshop ug diin gipadayag sa mga kalihim ang ilang pagsuporta sa programa sa Davao Catholic Herald ug sa DXGN 89.9 Spirit FM.