GKK Divine Mercy Mortuary Assistance

Ang GKK Divine Mercy-Ibula sa San Antonio Parish adunay mortuary assistance nga gimugna alang sa mga miyembro niini. Gihimo kini aron makatabang sa panahon nga mamatyan ang pamilya sa mga miapil.

Sumala pa sa PSK nga si Leonila Suralta, nagsugod kini sa 20 lamang ka miyembro niadtong Enero 2009. “Sa pagkakaron, niabot na ug 48 ka tao ang nagpamiyembro niini nga muhatag lamang ug P50.00 nga kontribusyon. Kon mamatay ang miyembro sa hatagan ug P2,400 ang pamilya” saysay pa niya.

Kini nga programa nagapadayon hangtud karon ug abli pa kini alang sa buot magpa miyembro. (Gladys Mahusay | SAP GKK SoCCom)