Dabaw gisaulog ang kapistahan ni “Ina”

Gisaulog sa Artsidyosesis sa Dabaw ang kapistahan ni Ina Poonbato, Enero 24.

Pipila ka deboto sa Dabaw ang mitambong sa Misa nga gipangulohan ni Fr. Erwin Torres didto sa Sta. Ana Shrine Parish.

Sa iyang pagpa-ambit, giingon ni Fr. Torres nga si Maria mao ang hulagway sa Ginoo dinhi sa yuta.

“She is not God and never will be,” sumala niya mao ginatawag si Maria nga ‘Poon’.

Dugang usab niya nga ang bato nagahulagway sa kusog ug kung musalig ang katawhan sa Ginoo sama ni Maria, dili sila matarog.

Giingon usab niya nga tibuok kinabuhi ni Maria nakasentro sa iyang anak nga si Hesus.

Gihimo usab ang prosesyon sa imahe ni Ina Poonbato sa kadalanan duol sa parokya sa Sta. Ana.

Ang debosyon sa Ina Poonbato nailhan nga nagsugod sa Zambales diin sumala sa kasaysayan, gina-simba na sa mga Aetas ang imahe sa ‘milagrosang babaye’ bisan wala pa miabot ang mga pari nga Augustinian sa Zambales niadtong 1607.