5,000 Kabus nga Kabataan sa dalan apil sa IEC

Lima ka libo ka mga kabus nga kabataan sa kadalanan ang mahiapil sa mga delegado sa International Eucharistic Congress.

Kini maoy usa ka konkreto nga buhat sa kaluoy samtang ang simbahan nagtimaan sa Jubileo sa Kaluoy ug Pagkamabination.

Si Archbishop Jose Palma sa Cebu nag sulti, nga ang mga bata sa kadalanan matagaan usab ug pagtagad diha sa pag saulog sa ika-51 nga International Eucharistic Congress (IEC). Kini mao ang hinusang panag-ambit sa kalooy nga ipahigayon sa dakbayan sa Sugbo Sports Complex, karong Enero 30, 2016.

“Hatagan gyod nato og importansya ang mga bata sa kadalanan aron dili sila unya mahisalaag,” si Palma miingon. Iyang giawhag usab sa tanan, nga ipakita sa walay pag duhaduha nga kalooy, ilabi na ngadto sa mga kabus. Atong ipakita ngadto sa mga makalolooy ang atong pagka maloloy-on ug atong ipabati nga sila adunay espesyal nga dapit. (Jamela Pailago-Winters)