Pag-ampo alang sa International Eucharistic Congress

Ginoong Jesukristo, among paglaum ug kahimayaan, ikaw ang kahingpitan sa laraw sa kaluwasan sa Amahan sa tanang katawhan. Ikaw ang tinago nga misteryo sa mga katuigan ug gikan sa nangaging kaliwatan nga gipadayag na karon kanamo.

Ikaw nga nagauban sa imong Simbahan diha sa labing Balaan nga Sakramento sa Eukaristiya. Niining pagsaulog namo sa Balaan nga Eyukaristiya ug sa pagdawat sa imong lawas ug dugo, Ihatag kanamo kanamo ang pagtoo nga ang imong presensiya dinhi kanamo nag-aghat kanamo sa pagpadayon sa imong makaluwasnong misyon dinhi sa kalibutan.

Ipadala kanamo ang imong Balaang Espiritu aron iya kaming giyahan sa paglakaw nga mapaubsanon kuyog sa mga kabus ug sa mga dinaugdaug uban ni Maria, imong labing balaan nga Inahan ug amo usab nga Inahan.

O Ginoo diha sa labing Balaan nga Sakramento, diha kanamo ang tanang pagtahud ug paghimaya ug pagdayeg uban sa kahiusahan sa Amahan ug sa Espirito Santo, Dios nga usa hangtud sa kahangturan. Amen.