Creative Liturgy Training

Ang Diyosesis sa Digos nagpahigayon ug lima ka adlaw nga Facilitators’ Skills ug Creative Liturgy Skills Training alang sa mga lideres sa mga parokya ug mga apostolado diha sa Diocesan seminar hall, niadtong November 23-27, 2015.

Gipangulohan sa Bukal ng Tipan Community gikan sa kaulohan, gitambungan kini sa 18 ka partisipante. Tumong niini nga mahatagan ug dugang kahibalo ang mga nangapil hilabi na sa pagpahigayon kon pag facilitate ug panagtigum. Kini aron usab madasig ang miyembro sa komunidad.

Ang training resulta sa sugyot sa mga tawo nga ipadayon ang nasugdan sa Diocesan Pastoral Assembly VI niadtong Nobyembre 11-13, 2014. Nakita nga kinahanglanon kini nga kahanas alang sa pagpalihuk sa mga programang pastoral sa Diyosesis sa Digos. (Joveniel C. Agravante | SoCCom Coordinator | Digos)