Balay-ampuanan sa Parokya sa Indangan paga-tukoron

Pormal nga giablihan sa publiko ang hulagway kon perspective sa paga-tukoron nga simbahan sa Our Lady of Miraculous Medal sa Indangan atol sa ika-6 nga kapistahan, Nobyembre 27.

Gipangunahan kini sa kura paroko nga si Rev. Fr. Elneri Meñez, sinaksihan usab sa Arsobispo sa Dabaw, Most Rev. Romulo G.Valles kinsa maoy nagmisa niadtong adlawa ug sa mga kaubanang pari nga mitambong nga sila si Rev. Frs. Loreto Bastasa, Bernardino Amoroso, Ronald “Boy” Ong, Raul Nieves ug mga katawhan.

Panghinaut sa mga parokyano nga matukod na kini sa dili madugay. Matud pa ni Fr. Meñez, daku nga kantidad ang kinahanglanon. Siya nanguna sa pagpanuktok sa mga kasingkasing sa mga tawong manggihatagon.

Una ang pista, gipahigayon ang Bloodletting pinangunahan sa Service Ministry, Kasalanng Parokya, Youth Night, Confirmation, ug Ministry Night. Nagdula ug Basketball ang mga kaparian dayon mitambong sila sa Clergy Night. Duha ka barangay ang nagsaulog sa Barangay Night, ang Barangay sa Indangan ug Acacia nga sakop sa maong parokya. Ang gipahigayon School Night niadtongNobyembre 25giapilan ug tulo ka eskwelahan nga mao ang Acacia Elementary School, Teofilo V. Fernandez Elementary School,ugTeofilo V. Fernandez National High School.

Nagpasalamat ang kuraparoko sa kalampusan sa mga kalihukan ug sa working committees nga mao ang Parish Pastoral Council, Finance Committee, Worship Ministry, Service Ministry, Formation Ministry, Special Ministry, GKK Coordinator, ug sa tanang mga GKKs nga sakop sa parokya.