Bag-ong LML giporma sa ALC

Human sa tulo ka adlaw nga pagbansay ug pagtuon, nakalampos ang 42 ka mga bag-ong Laykong Ministro sa Liturhiya (LML) Phase 1 sa gipahigayon nga LML Phase 1 – Formation Seminar, dinhi sa Parokya ni Sr. San Miguel sa Matanao, Davao del Sur niadtong Desyembre 03-05.

Ang bag-ong LML Phase 1 gitambungan sa mga nagkadaiyang parokya nga sakop sa Dioyesis sa Digos sama sa parokya sa Matanao (8), Magsaysay (4), Bangkal (9), Bansalan (13), Kiblawan (5), Hagonoy (1), Sulop (1), ug 1 usab gikan sa Divine Mercy Apostolic Center sa Sinawilan, Digos City.

Tumong niining maong seminar nga makaumol ug mga bag-ong mga LML sa matag GKK, nga maoy mopadayon sa gimbuhaton.

Ang maong seminar gipahitabo sa Diocesan Liturgical Center pinangunahan ni Sr. Johanna Bernabe, OSB. Daku ang pasalamat sa host parish sa kalampusan sa maong seminar. (Jonifer Banggaan | Matanao)