Bagyong Lando survivors tabangan sa St. Jude

Bagyong Lando survivors tabangan sa St. Jude

Naorganisa niadtong 2013, ang St. Jude Children’s Rondalla nga gilangkuban ug kapin 45 ka mga bata ug batan-on nangharana sa mga nanimbahay aron makatigom ug pondo alang sa mga biktima sa Bagyong Lando sa kaulohan, sulod sa parokya sa St. Jude, niadtong Oktobre 25.

Ang kura paroko, Fr. Pete Lamata, D.C.D. nanguna sa panawagan nga suportahan ang mga kabataan ug labaw sa tanan ang mga kabus nga naigo sa naasoy’ng Bagyo. Sa pikas bahin, sa Enero na sab ang registration alang sa mga gusto muapil sa training karong muabot nga Mayo 2016.

Uban ang temang “Bulawanong Pagpasalamat sa Dios Alang sa Mapadayonong Misyon sa Simbahan sa Kabus,” gisaulog sa parokya ang ika-50 niini ka kasumaran niadtong Oktobre 28. @dcherald

Bibliodrama gipahigayon

Isip kabahin sa programa sa Archdiocesan Bible Apostolate of Davao (ABAD), ang mga miyembro sa Bible Apostolate gikan sa nagkalain-laing bikaryato misalmot sa trainor’s training sa “Bibliodrama” sa Sacred Heart Brothers nga gipangulohan ni Dr. Nati Pagadut, ECBA Executive Secretary sa Catalunan Grande niadtong Oktobre 20-24.