New Baliok parish office blessed

Holy Family Cutting of Ribbon

The long awaited moment came for the parish priest of the Holy Family Parish in Baliok, Rev. Fr. Ricky C. Peñalosa, last September 14, 2015 as the new parish office was on the occasion of his birth date. It was blessed by Abp. Romulo G. Valles. Although it was raining that day, the affair was well-attended by GKK leaders, members, invited guests, and benefactors. A ceremonial ribbon was led by a member of the Finance Council, Ms. Gina Capuno. Sumptuous meals followed to the satisfaction of the visitors. More photos via Holy Family Parish – Baliok, Dumoy, Davao City. (Ricky Jimenez | HFP SoCCom)

Parokyano giawhag sa pista sa Toril

“Santa Maria Birhen sa Rosaryo: Panig-ingnan sa Katilingban nga Maampoon ug Maalagaron, Nagmalipayon.” Mao kini ang tema sa ika-67th Parochial Fiesta sa Sto. Rosario Parish, Toril karong Oktubre 7. Ang mandated organizations, Local Government Unit, barangay officials, public ug private schools ug ang GKKs nangandam nang daan sa nagkadaiyang Nightly Presentations.

Adunay Opening Salvo nga magsugod sa Septembre 28, alas 3 sa hapon. “Hinaut nga ang tanang parokyano molambigit ug mogahin sa ilang panahon aron magmalampuson ang atong mga kalihukan,” sumala pa sa Parish Pastoral Council (PPC) President Bro. Monico Galleros. Hagit sa Coordinator sa Worship Ministry Dominacio Aguhob, “Mamalandong kita sa kinabuhi ni Birhen Maria kay siya adunay dakong kalambigitan sa atong kaluwasan.” Gawas sa Novena Mass nga pagahimoon sa sentro, aduna usab mga Novena Masses nga ipahigayon sa mga GKKs. “Kini gihimo aron makalambigit ang tanan sa kasaulogan sa kapistahan,” panapos sa kura paroko, Fr. Roy Mejias. (Juneva P. Ardepolla | SRP SoCCom)

Babak youth

ANG parokya sa Virgen Dolorosa Parish sa Babak Parish, Island Garden City of Samal nagsaulog sa ika-54 nga kapistahan niini niadtong Septembre 15, 2015 subay sa tema: “Birhen Maria: Inahan sa Kalooy ug Dalangpanan sa Kabus.” Ang kapistahan giubanan sa presensya ni Abp. Romulo G. Valles, D.D. Iyang gipaabot sa mga parokyano ang mensahe sa “pagbarug, pagkamasinabtanon, ug pagka-inahanon”, sama ni Maria.

Gipanguluhan sa kura paroko nga si Msgr. Nelson Lucas ang pagpaambit ug hinabang sama sa bugas, ug uban pang panginahanglan sa balay sa mga pili nga pamilya. Tumong sa pagpaambit nga matun-an sa tanang parokyano ang pagpuyo sa tinuod nga kahulugan sa ‘Tuig sa Kabus’ nga nagsilbing sumbanan sa makahuluganong pagsaulog. Matud pa sa Parochial Vicar nga si Fr. Jose Marie Escuadro, ubay ubay ang mga parokyano nga misaulog sa parokya niadtong Septembre 20 ug daghan pang mga kalihukan ang napahitabo sama sa programa sa kabatan-onan, pagdula ug pagpaambit sa mga talento. (Josie Magoncia | VDP SoCCom)

Sakristiya sa Marahan gibendisyunan

ATOL sa ika-10 ka tuig nga kapistahan ni Sr. San Miguel Arkanghel sa Parokya San Miguel-Marahan, Marilog District, Davao City niadtong Septembre 20, gibendisyunan ang bag-ong natukod nga sacristy. Ang maong seremonyas gipangunahan ni Abp. Romulo G. Valles D.D. inabagan sa mga kaparian, ug gisaksihan sa gatosan ka membro sa GKKs sa Parokya.

Ang sakristiya nga mikantidad og P400,00 gitukod aron magamit alang sa mga kalihokan sa simbahan ilabina panahon sa Misa. Pinaagi sa pagpanguna nila Fr. Gracioso G. Charcos, MJ (Parish Priest) ug Fr. Teofilo Lopez, MJ. (Asst. Parish Priest) inabagan sa 17 ka Gagmay’ng Kristohanong Katilingban (GKK), nakatigom ug igong kantidad alang sa konstruksyon. Dako kaayo ang natabang sa gipahigayong fund raising sama sa raffles, indibidwal nga donasyon, 2nd collection, kasaulogan sa mga kapilya, ug natigom nga pondo sa Friends of San Miguel 20+ Club aron magamit sa maong proyekto. Ang napabarog nga sakristiya nagtimaan sa hiniusang paningkamot ug kalig-on sa mga GKK ubos sa pagpangulo sa Parish Pastoral Council (PPC). (Fe Emberda | SMP-Marahan SoCCom)