Kinabuhi ni Mother Rivier, lakip sa Extension sa HCM

Isip pagpaningkamot sa mga magtutudlo sa Holy Cross of Malita, Inc., sa pagpakaylap sa pulong sa Ginoo, gilusad ang Extension Program sa eskwelahan pinaagi sa pagpakaon (feeding) sa mga bata sa Sitio Magasayap, Malita, Diocese of Digos, niadtong Agosto 16.

Kini nga kalihukan, pagabuhaton na matag ikatulong Dominggo sa bulan sugod karong Agosto. Kabahin kini sa misyon sa tulunghaan isip usa ka instrumento sa pagtudlo sa Maayong Balita. Kabahin usab sa aktibidad ang pagpahibalo sa kinabuhi sa madre nga si Blessed Anne-Marie Rivier. Siya ang madre nga nagtukod sa Presentation of Mary, ang kongregasyon nga nagadumala sa HCMI. Gisugdan sa usa ka PSL ug retiree sa maong tulunghaan, Mr. Severino Wamar ang aktibidad pinaagi sa pagsaysay sa kinabuhi ni Mother Rivier, dayon misunod ang misa nga gipanguluham ni Fr. Kim Cossid, D.C.D. Pagpanghatag ug arroz caldo og gamit sa eskwelahan sa mga bata ang sunod nga nahitabo. Ang Sitio Magasayap maoy napili isip sinagop nga GKK tungod kay daghan kini’g mga bata. Magtutudlo usab sa HCMI ang PSL dinhi nga si Mr. June Melendrez. (Edel Quinn Dilla)