‘Si Hesus ang Bangkite sa Kinabuhi’

Excerpts of the Fiesta Mass Homily at Most Sacred Heart Parish of Calinan
August 7, 2015

Bag-o pa man ang homiliya, gi congratulate nang daan ni Yanong Muloy ang mga kaparian (relihiyoso og diocesan) nga mitambong sa kasaulogan. Malipayon siyang gipaila ila ang mga kongregasyon nga nagatabang sa Bikaryato sa Calinan sama sa Missionaries of Jesus sa San Miguel Parish (Marahan), Don Bosco/Salesians sa Mary Help of Christians Parish (Calinan), og Oblates of St. Joseph sa San Francisco de Assisi (Tagakpan). Gipasabot sa mga parokyano ang kahalangdon sa pagsaulog sa pista.

Sumala niya, “ang pista dili lamang mga colors, basketball, amateur, kaon og banderitas. Higayon kini aron makapadayag sa kalipay pinaagi sa pagsimba sa katawhan. Ang Santos nga Eukaristiya mao ang pinakaanindot nga pagpadayag og pagsaulog. Mao kini ang hinungdan sa pista – anaa dinhi si Hesukristo ang anak sa Diyos. Si Hesus ang bangkite sa kinabuhi. Dili lang siya makuha sa usa ka tan-aw. Siya ang Sacred Heart, Good Shepherd, Corpus Christi. Diha sa sentimyento ni Hesus, makita nato ang pagkabalaan sa Diyos. Diha sa kasingkasing ni Hesus, makit-an nato ang kasingkasing sa Diyos ug ang plano niya para kanatong tanan.

Ang kasingkasing ni Hesus anaa kung kita anaa sa tumang kapit-os, kapobre, og kagutom, dili kita niya biyaan. Ubanan kita niya, duolon kita niya. Ang hagit sa debosyon sa Sacred Heart mao nga mahisama unta ang atong kasingkasing kang Hesus. Atong matabangan ang mga nanginahanglan aron mahibalo sila sa tinuod nga tatak sa pagka Kristiyano; dili magpaabot nga sila mag antos.”