Opisyales Napili sa Bag-ong Grupo ni Maria

Ang Confederation of Mary Mediatrix of All Grace gi-organisa na sa St. Joseph the Worker Parish.

Mao kini ang kinaunhang parokya nga mingtubag sa tawag sa Diocesan Confederation, gawas sa Digos City.

Gitambungan kini ug mga Marian Devotees og kapin 65 ka mga parokyano sa maong simbahan.

Tubag kini sa Diocese of Digos aron ipailaila ang “babaye” nga nasinati sa apparition sa Lipa, Batangas niadtong Setyembre 12, 1948.

Ang orihinal na estatwa makit-an sulod sa Mary Mediatrix Cathedral sa Digos City diin mismong si Bishop Jimmy Afable ang nagdala gikan pa sa Lipa, Batangas. Dayon, nag organisa ang maong diocese ug grupo aron sa pagkonsagrar sa ilang mga kinabuhi alang kang Mama Mary sama sa pag-ampo sa Balaang Rosaryo kada adlaw. Ang maong grupo inubanan sa hugot nga pagtuo, gihuptan ang misyon nga gihatag nila.

Ang maong babae gipanganlan una og “Lady of Lipa” apan sa kadugayon giilisan ug “The Mary Mediatrix of All Grace” subay sa iyang giingon sa unang higayon nga siya nagpakita. Sa pagkakaron, duha na ka parokya ang nag organisa sa confederation — parokya sa Digos og parokya sa Sta. Cruz.

Bag-o pa man nahuman ang tigom, nagpili na sila ug opisyales. Sila manumpa na karong Agosto 16 atubangan sa mga parokyano panahon sa ikaduhang misa. (RJ Dela Cruz | Sta. Cruz )