Mabanhaw Sad Kita

Si Yanong Muloy ang nangulo sa Balaang Yukaristiya sa kasaulogan sa piyesta sa Assumption Parish, Torres St., Davao City, niadtong Agosto 15.

Sumala niya, siya usa sab ka parokyano tungod kay ang iyang balay nahisakop man sa maong parokya. Nagpasibaw sab siya ug pasalamat sa kalimpyo sa sanktwaryo nga matod pa, nagtimaan sa kahalangdon sa maong lugar.

Diha sa iyang pagpaambit sa okasyon sa Solemnidad sa Pagkayab ni Maria sa Langit siya miingon nga, “Atoang gi-replay in varied ways, colorful ways, nindot gyud kaayo, to help us understand and appreciate our faith in the Lord. How this wonderful woman, tao siya sama sa ato, but what she did and what the Lord God, the wonderful God did to her: Mao na pagpasaka sa langit, pagkayab sa langit. What the Lord did to her, that truth is also true for us today. Unya maminaw ta sa Ginoo pinaagi sa mga pagbasa. Karaan na kaayo. Mao na ni ang mga scriptural readings since centuries ago sa pagsaulog sa Solemnidad sa Pagkayab ni Maria ngadto sa langit.”

Sa iyang pamalandong diha sa mga pagbasa gikan, sa Revelation, Corinthians, og Luke, siya nangutana kon usa man gayud ang buot nga ipahinumdum sa simbahan ug sa Ginoo aron mabuhi ang pagtoo sa matag usa. “Ang tinuod…niining pistaha gipahimangnuan ta…nga ang pagkabanhaw ni Kristo usa ka pasalig, importante nga kamatuoran; nga ang nangamatay banhawon usab, nga kita nga buhi pa, mamatay man, banhawon usab.”

Sa pagpadayon sa pagpangalagad, makasaka sab unta ta sa langit sama ni Maria nga sa iyang pagka batan-on, nakasabot na sa kamatuoran sa pagsunod sa plano sa Diyos.

Sayod ta nga ang mga disipulo ni Kristo nga nagtuman sa iyang mga sugo makadawat sa maong dakong gasa.