2nd Blood Letting Activity gipahigayon sa St. Mary’s

2nd Blood Letting Activity gipahigayon sa St. Mary’s

Ang dugo nagahatag og kinabuhi, kini ang batakang rason nganong namugna ang blood donation program sa St. Mary of the Perpetual Rosary Parish.

Ang mobile blood donation o blood letting activity ang usa sa mga programa nga gipasiugdahan sa Parish Social Action Ministry (PSAM) pinaagi sa mga Pangulo sa Alagad (PSA) ug Caritas uban sa koordinasyon sa Department of Health – Davao Blood Center. Ang blood donation activity ginapahigayon 3 ka beses sa usa ka tuig og niadtong Hulyo 26 gihimo ang ikaduha alang karong tuiga. Kapin 120 ang nagdonar ug dugo. Nahimong malampuson ang kalihukan tungod sa paningkamut sa mga pangulo, pinaluyohan ug dinasig sa Kura Paruko, Fr. Jess Samaniego ug sa 125 nga nagdonar ug dugo. (Ellie Sabucido | Jojo Corage | SMP SocCom)

PSL sa Buhangin, Nangandam sa Panawduaw

Ang mga Pangulo sa Liturhiya (PSL) sa St. Mary of the Perpetual Rosary Parish nagpahigayon og meeting niadtong Agosto 9 sa kasamtangang tuig. Gihisgutan sa maong training mao ang umaabot nga Panawduaw sa GKK San Pedro, Tuban, Santa Cruz, ang unang GKK nga nagsaulog sa Kasaulogan Sa Pulong sa Dabaw. Kini nga kalihukan isip tubag paghandum ug pagsaulog sa ika-50 nga anibersaryo sa KSP-PSL. Kini gihimo aron sa sa pagpasalamat sa Dios tungod sa grasya ug panahon nga miabot kini ug ika-50 nga anibersaryo. (Naldz Villodres | Photo by Hermie Mapute)

Parish Coop’s Office Inaugurated

The new office of the Our Lady of Lourdes Davao Multi-purpose Cooperative (OLLDAMULCO) located at the parish ground of the OLLP Parish in Bangkal was inaugurated and blessed by its Spiritual Director and Parish Priest Fr. Dexter C. Veloso, August 9, 2015.

The blessing was witnessed by its Board of Directors, officers and members. The OLLDAMULCO was registered with the CDA in September 4, 2013, with 48 original members and now has grown to more than 200 members, mostly OLLP lay parishioners, with now over 1 million pesos in capital. With its office now visible and accessible to the parishioners, Fr. Veloso and the BOD expect more parishioners and church goers to join the cooperative.

OLLDAMULCO Board of Directors are Chairman Engr. Ruben Sumagang, Donato Lallen, Segundo Butron, Rodolfo Pelderos and Eliezer Bandala. Its current coop officers are manager Leonides Lallen, secretary Norjun Bernasor, treasurer Thelma Bernasor, auditor this writer, credit committee member Alex Aladad, collector Quirico Lancian, and bookkeeper Narcisa Cañal. (Vonz Hijada | Norjun Bernasor)

2 ka GKKs sa Calinan Mabungahon ang Pista

Malipayong gisaulog sa duha ka Gagmay’ng Kristohanong Katilingban (GKK) nga si San Roque ang patron ang ilang ika-50 (Flowing Riverside) og ika-60 (Upper Tamugan) nga kapistahan sa Calinan niadtong Agosto 11 ug 12. Si Arsobispo Romulo G. Valles, D.D. ang nangulo sa duha ka misa. Gipaambit ni Abp. Valles nga susama sa nahimo ni Moises, dili na kaayo matagamtam sa mga nangulo karon ang bunga sa ilang pagsakripisyo, apan ang musunod nga henerasyon. Nanghinaut kini nga ang mga kabatan-onan magpadayon sa misyon sa pag-agak sa katilingban, inubanan sa kalooy, magserbisyo sa katilingban.

Emosyonal ang Pangulo sa Katilingban (PSK) sa Riverside kay siya nahinumdum sa kalisud sa iyang mga ginikanan nga una nang nangalagad. Saksi usab ang daghang mga bata nga giagak sa mga ginikanan. Sa Tamugan, hugot nga gipasalamatan sa PSK ang tanan labi na ang mga sponsors. Madasigon ang duha ka katilingban tungod kay tataw sad kaayo ang suporta sa ilang kura paroko Fr. Arnel Tadeo, D.C.D. nga nag-uban kanila sa kanunay. Ang parokya sa Calinan ang adunay pinakadaghan nga ginsakupan nga GKKs sa tibuok Artsidiyosesis sa Dabaw. (Janin Langoy | Photo by Boy Ugay)