Tuig alang sa Kinabuhing Hinalad Part 3

Sa katapusan, apan dili ang labing gamay, naa pay laing mga madre.

Ania uban kanato sa diyosesis ang mga OBLATES OF NOTRE DAME (OND).

Nagsugod sila dinhi niadtong tuig 2008. Gidawat nila ang dakong kaakuhan nga mahimong tigdumala sa atong Diocesan Catechetical Formation Center (DCFC).

Ubos sa ilang pagdumala, nasugdan ang atong two-year Certificate of Teaching Religion (CETRE) alang sa mga full time o volunteer pastoral workers sa Parokya.

Diocesan Pastoral Assembly VI. Sumala sa gikauyunan sa mga kaparian niadtong miaging bulan, himoon ang laing convocation sa kapin sa 250 ka mga partisipante sa Diocesan Pastoral Assembly VI karong umaabot nga Biyernes, Hulyo 24, 2015 didto sa Mary Mediatrix Layforce Center, Digos City. Ang tuyo niining maong convocation mao ang “official promulgation” sa final documents sa maong assembliya nga nahitabao niadtong imaging tuig 2014.

Busa, ang mga delegadong Pari, Relihiyoso ug mga layko, giawhag nga igahin kining usa ka adlaw alang sa atong panagtigom alang niining hiniusang makahuluganon ug bililhong buhat sa atong simbahang lokal sa Diyoosesis sa Digos. Ang matag delegado niining adlawa, makadawat sa ilang tagsatagsa ka kopya sa mga dokumentos sa assembliya.

Divine Mercy Apostolate (DMA). Niadtong Marso 14, 2015 sa higayon sa DMA diocesan recollection didto sa Divine Mercy Apostolic Center, gipahayag sa mga opisyales sa parish DMA ang gipakanaog nakong pastoral guidelines sa Divine Mercy Apostolate dinhi sa Diyosesis sa Digos.

Sa maong guidelines, gipadayag nga usa ka bulan human sa Divine Mercy Sunday, maghimo og pagpili sa bag-ong mga opisyales ang parokya pinasikad sa guidelines. Human niini, magtigom ang tanang mga bag-ong napili nga mga opisyales alang sa quarterly meeting. Pagahimoon kining maong meeting karong umaabot nga Sabado, Hulyo 25, 2015 didto lang gihapon sa Divine Mercy Apostolic Center sa Sinawilan, Digos City. Buntag hangtod hapon kining maong meeting.

Busa, giawhag ang tanang opisyales sa DMA sa parokya nga mangandam na alang niining panagtigom diin pagahimooon usab ang pagpili sa mga diocesan officers. Ang partisipasyon sa tanang hingtungdan importante kaayo alang sa kalamboan sa apostolado sa Diosnong kalooy dinhi sa atong diyosesis.

Episcopal Anniversary. Karong adlawa, Hulyo 12, 2015 nagasaulog ako sa ika-14 anyos sa pagkaobispo. Pastilan no, nakaabot ra gayud ako niining taknaa. Salamat kaayo sa Dios! Kinsa wala panumbalinga ang akong mga kahuyang ug kasaypanan ug nagmatinud-anon sa iyang diosnong kalooy kanako intawon.

Sa tanan nga niduyog kanako ug nitabang kanako sa pagtuman niining bug-at nga kaakuhan, ilabi na ang atong mga kaparian, sulod niining mga miaging katuigan, salamat gayud kaayo. Tungod sa inyong pakiguban, nagmalahutayon lang gihapon ug nagmalipayon pa jud.

Kaninyo kang kinsa nagmakulang ako sa pagtagad ug kaninyo kang kinsa nagmakulang ako sa paghigugma, nangayo ako’g dispensa. I-ampo ako nga maghinulsol ug mag usab sa kinabuhi.