Opinion bahin K to 12 gipasibaw

ANG tuig 2015–2016 mao ang ikaduhang tuig sa sistema sa edukasyon subay sa K to 12. Ang SUGID team mibisita ug usa ka eskwelahan aron sa pagkuha ug reaksyon sa nagkadaiyang personahe. Matud sa usa ka ginikanan, Mr. Sardido, gikahimuot niya ang maong sistema gumikan kay positibo ang epekto niini ngadto sa iyang anak nga kasamtangang nagtungha sa Digos City National High School.

Alang sa magtutudlo nga si Mrs. Catherine Ann Mayor, “Dili pa kaayo makita ang resulta sa implementasyon sa K to 12 apan nagmalaumon ako nga sa ngadto-ngadto magbungahon kini.”

Wala nahimuot ang pipila ka mga estudyante sa maong sistema. Matud pa nila Honniesil Jampit ug Mamta Wendz Verma, dismayado sila sa maong sistema tungod kay nadungagan og duha ka tuig ang ilang pagtungha. Kini nagpasabot ug dugang gastos.

Ang K-12 gisugdan niadtong 2013 diin nadugangan sa Department of Education (DepEd) ug 2 ka tuig ang school year sa high school aron mas mabaid ang kahanas sa mga estudyante. Pipila ka mga electives ang ilang pwedeng eenrol una pa man sila mupadayon sa kolehiyo. (Team K-12 | Kryssha, Angelika, Janrey, Julius, Eusebia, Jenevie)