AGRI-mental nga edukasyon

KINI mao ang usa ka sugyot nga pagtuon nga nagsentro sa paghuna-huna sa kinabuhi nga anaa nagpalibot sa agricultural nga lugar nga mao ang mga tanum og kahayupan diha sa kinaiyahan.

Unsa ang mga sugyot nga klase nga tun-an niini?

Ang mga sugyot nga sa mag kurso nga pagatun-an ug puy-an sa mga piniyalan mao kining mosunod:

1. Kahugpungan sa Pamilya
   Kini ang usa ka ideal nga basin mahimong real sa kada pamilya nga mahimong magkahugpong aron adunay yuta nga mahimong katanuman ug buhian sa kahayupan.
2. Agrikultura
   Kini mao ang pagtuon nga may arte ug siyensiya ang pagpananum nga mahimong magdala sa pagdayeg sa mga motan-aw, og posibleng moresulta sa pagsunod niini diha sa pagprodukto ug pagproseso nga katilingbanon sugod sa mga nagkahugpong nga pamilya.
3. Pagbaligya
   Kini mao ang pagtuon sa pagbaligya base sa panginahanglan sa mga nagkahugpong nga pamilya aron ang kuwarta, butang og mga serbisyo magtuyok-tuyok lamang sa nagkahugpong nga katilingban, aron mas daghan pa ang mga sakop nga matabangan.
4. Pagtigum
   Dako kaayog kalipay kon makabaligya na, apan kon walay panghuna-huna sa umaabot nga panahon, delikado nga mawala ang sirkulasyon sa kuwarta. Busa, labing maayo nga ang kahugpungan sa mga pamilya magtigum niini sa samag kooperatiba nga dili lang para makautang kon dili maka produce usab sa mga butang gikinanglan.
5. Pagpalit ug yuta
   Ang tigum mahimong mawala’g dali kon gamiton sa walay klarong proyekto, apan kon i-arkila ug ipalit sa yuta, dili gayud kini mawala kondili mas mo-produce pa kini ug magkataas pa ang presyo niini.
6. Pagtinabangay sa pangihanglan
   Ang tinuod nga piniyalan dili lamang mahimong piniyalan sa mga tanum ug kahayupan, kondili sa tawo gayud ilabi na sa mga kaubanan sanglit ang relasyon nagkahulugan man usab nga responsibilidad.

Kining unom ka mga lakang nahisama sa 6 ka ang-ang sa kinabuhi ug panginabuhi nga angay nga isulod sa huna-huna. Kini ang gitawag nga AGRI-mental Education nga gustong sulayan sa St. Francis Farmer’s and Workers’ School Association sa hinay-hinay nga pamaagi.