Piniyalan

ANG “Action Research” mao ang pagpangutana, pagtuki, pagsugyot ug paghimo sa mga programa ubos sa Steward Spirituality.

Kini nga spirituality mao ang pagpuyo nako sa kinabuhi isip usa ka piniyalan nga nahimong bunga sa pamalandong sa Stewardship Catechesis. Kini gihimo sa Religious Education Program sa Holy Cross of Davao College, Inc. (HCDC) sukad pa niadtong Nobyembre 23, 2009.

Dili lang kini spirituality sa HCDC kondili sa mga Holy Crossians isip tatak sa mga PME fathers nga mitukod niini ug nagdala sa ngalan nga HOLY CROSS. Nasabtan nako kini nga spirituality maong sa ika-60 ka tuig sa pagkatukod sa HCDC uban ang temang, “With gratitude of the past and hope of the future,” daku kaayo ang akong pagpasalamat kay ako nahimong katekista tungod sa mga PME fathers. Ako silang nakita nga molakaw ug 30 kilometro didto sa bukid sa parokya sa Most Sacred Heart Parish of Calinan aron lang makamisa. Niadtong Setyembre 14, 2011, gidawat nako ang panawagan sa Presidente sa HCDC nga human ang 60 ka tuig sa iyang pagmisyoneryo, ang mga Holy Crossians kinahanglan nga musangyaw gawas sa eskwelahan.

Sa akong kasinatian, ang acronym nga STEWARD nagkahulogan:
STE = Social Transformation Education (Edu-Aksyon) by a
WA = Welfare Association as
RD = Renewed Disciple and Rural Developer (as a Holy Crossian).