Modernismo gituki sa 38th CFD convention

Ang 38th National Convention sa Catholic Faith Defenders malampusong napahigayon sa University of Southeastern Philippines Social Hall, Mayo 23-24. Halos 500 ka mga delegado gikan sa nagkalainlaing lugar sa Pilipinas ang nakakat-on subay sa temang, “Modernism: A New Challenge of the Church today.”

Kini ang napili nga tema tungod kay usa kini sa mga dakong pagsulay nga ginaatubang sa Simbahan karon. Upat ka paring mamumulong ang nagpadayag sa ilang kahibalo bahin sa kasaysayan niini, mga maling pagtulon-an bahin niini, og mga dokumento nga makatabang sa pagpasabot.

Ang open forum sulod sa duha ka adlaw nakahatag ug dugang linaw. Dugang pa niana, nakapadasig usab ang conversion testimonies, multi-sessions, Bible enthronement, og Latin mass. Ang Grand Bible Rally nga nahitabo sa Rizal Park ang ulahing aktibidad.

“Dako akong pasalamat sa Davao City Chapter Catholic Faith Defender sa ilang pagdawat sa dako kaayong responsibilidad sa pagpahigayon niini. Nanghinaut ko nga pinaagi sa maong convention, ang atong mga Catholic Lay mamahimong sangkap sa pagtubag niining lain sad nga hagit ug problema sa simbahan nga gitawag natong modernism. I am hoping that Catholic Faith Defenders will be strengthened more; be invigorated in their commitment to defend the Faith” panapos sa CFD President Ramon Gitamondoc. Ang musunod nga CFD National Convention ipahigayon sa Sugbu. (Ayanna Fu Baclia-an | Cylyne Mhar Alforque)