Bekaryato sa San Pedro muhatag ug 1/2M sa radyo

DILI pa lamang dugay si Abp. Romulo G. Valles nagsuwat sa tagsa-tagsa ka bekaryato sa Artsidiyosesis sa Dabaw aron sa pagsuporta sa pagaablihan usab nga DXGN Spirit FM.

Isip tubag sa panawagan, ang bekaryato sa San Pedro pinanguluhan ni Msgr. Leonardo B. Vicente nagdesisyon nga muhatag ug P670,000 isip tabang sa misyon sa ebanghelisasyon sa Katolikong radio.

Mao kini ang mga parokya nga sakop sa bekaryato ug kantidad sa donasyon: St. Mary’s Parish, Buhangin – P50,000; Our Lady of the Miraculous Medal – P10,000; St. Alfonsus Ma. De Liguori, Mandug – P10,000; Assumption Parish, F. Torres St. – P100,000; Mother of Perpetual Help (Redemptorist) – P100,000; St. Jude Parish, Malvar – P100,000; San Pedro Cathedral – P300,000.

Ang mga pari nakitaan pud ug potensyal sa pagpakusog sa radio. “Hangyoon nato ang mga parokyano nga walay balhinay (radio dial) usa ka bulan…hangyoon nato ang mga pari nga i-announce kini ug iapil sa ilang homiliya,” matud pa ni Fr. Jess Samaniego sa Buhangin.

Bag-o pa man nahuman ang tigum, ang director sa Archdiocesan Commission on Social Communication Fr. Ritsche Gamaya nagpasalamat sa mga kaparian, “Na-inspire kaayo mi. Nabati namo ang inyong programa sa pakighiusa sa Archdiocese.”