‘Matag Usa Gitawag, Bisan pa sa Kabatan-on’ – DAYCA Director

Youth Day. Encounter with the Abp. Valles. Summer camp. Animations.

Bisan pa man daghan ang pwedeng maadtuan karong summer, gibati gihapon sa kapin 701 ka mga delegado sa Archdiocesan Youth Day (AYD) ang kamahinungdanon sa ilang presensya didto sa Regional Major Seminary (REMASE), Mayo 1-3.

Tungod sa maong tigom, ang matag delegado napalawman pa ang pagtoo, nailhan ang daghang higala, ug nahibaw-an ang bag-ong istilo sa paggunit ug isig ka batan-on. Nakadugang usab sa ilang kahibalo ang mga tracks nga gihatag sa lay communities and pastoral agencies. Nakapadasig pud ang Encounter with Abp. Muloy hilabi na nga miingon siya, “ang kabataan mismo ang Simbahan.”

Panghinaut sa DAYCA Director Fr. Leomel Puerto nga sila, “Mahigmata sa ilang kaakuhan isip mga binunyagan, nga ang matag usa gitawag, bisan pa sa ilang kabatan-on, nga pagapuy-an sa konkreto nga paagi ang ilang saad sa bunyag. Matud pa ni Pope Francis panahon sa homiliya sa katapusang misa sa 6th Asian Youth Day sa Korea, ‘Wake up! Wake up! No one who sleeps can sing, dance or rejoice. It’s no good when I see young people who sleep. No! Wake up, go, go ahead.” Nagpasalamat ang mga track facilitators sama ni Glenn Remolador gikan Christ Youth in Action (CYA) sa higayon nga gihatag kanila aron mas mapasabot pa sa kadaghanan ang ilang misyon isip youth community.