Malita K of C benepisyaryo og wheelchairs

GIPAHIGAYON sa Knights of Columbus (K of C) ang 10th National Convention sa SMX Convention Center, Lanang, Davao City niiining bulana.

Usa sa mga highlights sa maong convention mao ang paghatag og siyam ka brand new wheelchairs gikan sa American Wheelchair Mission. Ang K of C Sto. Rosario-Malita Council 11722, ang usa sa mga nahatagan pinaagi sa paningkamot ni Sir Knight Antonio Bunotan, District Deputy, Dist. 22, Digos City.

Gipangunahan ni Rev. Fr. Kim Cossid, DCD – Council 11722 Chaplain ang pagpanalangin sa bag-ong wheelchair. Gisaksihan kini nila SK Carlito Failma – Grand Knight, SK Armirador Adolfo – Faithful Navigator, ug uban pa.

Dako ang pasalamat sa pamilya Condinato ngadto sa Knights of Columbus Council 11722 labina sa American Wheelchair sa gasa nga nadawat. Tinuod gayod nga anaa’y mga tao nga andam mutabang bisan wala man sila’y madawat nga pagbalos.