CFD Convention 2015

Ang 38th Catholic Faith Defenders National Annual Convention gipahigayon sa University of Southeastern Philippines Social Hall, nga adunay tema nga “Modernism: A New Challenge of the Church today,” niadtong Mayo 23-24, 2015 malampuson.

Gi-apilan kini sa halos 500 ka delegado gikan sa nagkalaing-laing lugar sa Pilipinas. Sila nagkahiusa aron makatuon ug mas malig-on pa ang kaalam sa pagdepensa sa Katolikong pagtuo. Modernismo ang napili nga tema tungod kay usa kini sa mga dakong pagsulay sa simbahan karon.

Upat ka mga respetadong pari ang nakigpulong ug nagpadayag sa ilang mga nahibal-an sa origin and history, essential errors ug pontifical documents sa hisgutanang Modernismo. Sulod sa duha ka-adlaw, daghang questions ang gipasibaw. Aduna usab open forum diin ang tanan mipartisipar. Nakapadasig ang mga conversion testimonies, multi-session, Bible enthronement ug Latin mass. Gihuman ang pagtapok-tapok pinaagi sa Grand Bible Rally sa Rizal Park.

“Dako akong pasalamat sa Davao City Chapter Catholic Faith Defender sa ilang pagdawat sa dako
kaayong responsibilidad sa pagpahigayon niining atong National Convention. Nanghinaut ko nga pinaagi aning maong convention, ang atong mga Catholic Lay mamahimong sangkap sa pagtubag niining lain sad nga hagit ug problema sa simbahan nga gitawag natong Modernism. I am hoping that Catholic Faith Defenders will be strengthened more; that they will be invigorated in their commitment to defend the faith,” panapos sa CFD President Mr. Ramon Gitamondoc.

Ang musunod nga CFD National Annual Convention ipahigayon sa Cebu. (Ayanna Fu Baclia-an | Cylyne Mhar Alforque)