Bag-ong pari, gasa sa misyon sa Simbahan

KIBLAWAN, DVO DEL SUR—Giordinahan si Rev. Fr. Christopher Amarata Lumagbas, SMA (Society of African Missions), nga taga Bakaka, Kiblawan, Davao del Sur niadtong Mayo 19.

Uban iyang mga ginikanan nga sila Victoriano ug Leona Lumagbas, ug mga igsuon, gipangulohan ni Most Rev. Guillermo D. Afable, DD ang ordinasyon didto sa Immaculate Conception Parish sa Kiblawan. Siya madestino sa Tanzania, East Africa.

Matud pa ni Bp. Afable sa iyang homiliya halangdon ang pagtubag nga gihimo ni Fr. Chris. “Dinhi kay Christopher, sama kaninyong tanan nga naningkamot mosubay sa dalan ni Kristo, nagapadayon kitang nag-ampo sa kanunay…Yes! Mao kana ang yes sa tawong matuohon, mao kana ang yes sa usa ka Kristiyanong Katoliko. Mao kana ang Yes sa usa ka nakabati, nakadungog, nakakita, sa espesyal sa tawag kaniya! Christopher? Christopher? Ako ka. Biyai ang imong naandam nga kinabuhi, isalikway ang imong kaugalingon, pas-ana ang imong Krus, sunod kanako, tua nako sa Africa, sunod kanako didto.” (Nemric Kiel Umali)