77th Fiesta sa GKK Sta. Cruz, Gidugok

Puno ug tawo ang kapilya, nag awas hangtud sa gawas.

Ang GKK sa Sta. Cruz, Talicud Island nagsaulog sa ika-77th nga kapistahan, samtang ang tibuok Talicud nagsaulog sa parehong kapistahan sulod sa duha ka tuig na, Mayo 3. Tulo ka sakramento ang gihatag ni Fr. Rico Enriquez: Kumpisal sa mga ginikanan sa 14 nga gibunyagang mga bata, Santos nga Misa, ug Bunyag sulod niini. Dakong kalipay sa kura paroko sa Sto. Niño Kaputian sa dakong pagtoo nga gipakita sa mga lumulupyo niini.

“Sulod sa 77 ka tuig sa GKK sa Sta. Cruz, nagpabilin kining lig-on tungod sa mga lideres nga nagtinabangay ug nagsinabtanay. Kung naay plano ginasabutan gayud. Labaw sa tanan, nagpabilin kami tungod sa grasya, ug kaayo sa Ginoo. Malipayon usab kami nga nahimong kabahin ang tibuok Talicud sa kapistahan sa Sta. Cruz,” panapos ni PSP Olga Robles.

Talicud Choir

“Sulod sa tulo ka semana nakong pagpuyo dinhi sa Talicud ilabi sa akong pag-apil sa nagkalain-laing kalihukan sa GKK, akong masulti nga ang Simbahan dinhi mao ang katawhan. Na empower gayud ang mga tawo dinhi uban sa giya sa ilang kura paroko. Dili lang sila kutob sa pagtoo kondili nagabuhat usab sila sa ilang gitoohan.” – T3 Sem. Joel P. Bonina, LRMS, Archdiocese of Manila

(Ritzchild Cariaga)