Batan-on sa Malabog Parish nangandam sa AYD

KUNG sa pagbisita ni Santo Papa, adunay Papal Encounter with the Youth, sa umaabot nga Archdiocesan Youth Day (AYD), aduna usab, Archbishop Encounter.

“Kulba kay it is an encounter with the Archbishop man gud!”

Kini mao ang gisulti sa usa sa upat ka batan-on nga taga San Roque Parish, Malabog, Janvincent Novo nga mutambong sa AYD sa St. Francis Xavier Regional Major Seminary (ReMaSe) karong Mayo 1-3, 2015, nga adunay tema: “Asian Youth Wake Up! The Glory of Martyrs Shines on You.” Ang uban pa niyang kauban mao sina Elbie Love Salutillo, Sharmaine Alferez, ug Clarice Novo.

Maskin pa ikatulo na kini niya nga pag apil, malipayon gihapon siya. Matud niya, “…diri nako ma-enhance pag-ayo ang akong faith, to learn and know more ug maka-meet pud ko’g bag-ong mga batan-on from different parishes.”

Kapareho sa ubang delegado, siya nangandam na sa iyang dad-onon ug sa iyang kaugalingon aron sa pagpa ambit sa maong panagtapok sa iyang pagbalik sa parokya. “Mag prepare pa pud kog message sharing about sa pag-alagad sa simbahan, particularly sa akong experience,” dugang pa niya.

Kini nga hitabo dili lang makapalambo sa iyang pagtoo, kundili apil usab sa iyang pakighimamat sa ubang batan-on. Sa kasamtangan, siya nagatrabaho sa parish office isip logistics ug social media in-charge.