DYA nagpasiugda og Medical Mission alang sa Year of the Poor (Mati News Bits)

DYA nagpasiugda og Medical Mission alang sa Year of the Poor—Nagpasiugda ang Diocesan Youth Apostolate (DYA) og duha ka adlaw nga serbisyo alang sa maayong panglawas sa atong mga kaigsuonang kabus sa miaging Marso 13 ug 14 sa Immaculate Conception Parish sa Baganga, Davao Oriental. Gitaho kini ni Ms. Michelle Masucol, ang DYA diocesan coordinator sa Mati, kinsa nagtawag sa kalihokan og “Free Medical Mission in Service to the Poor,” agig pagtamod sa pag-obserbar karong tuiga sa Year of the Poor, ug sa diwa sa Mercy and Compassion nga giduso ni Papa Francisco. Gipahayag pa ni Masucol nga gawas sa libre nga medical consultation and services, dalit usab sa grupo ang libre nga dental ug optical services. Gidugang pa niya nga natigayon pud ang Blood Letting sa mga sakop sa Phil. Red Cross. Matud pa sab sa batan-ong lider, una gisugdan ang mga kalihokan, nagpulong una ang mga Parish Youth Coordinators, sa hugot nga pakig-alayon usab sa St. Camillus Hospital of Mati.

Women’s Month: inahan mopanindot sa panimalay alang sa mga bata—Nahisgutan sa Komentaryo sa Radyo Balita nila Sr. Maita ug Ms. Neela sa miaging Marso 10 ang kamahinungdanong papel sa inahan sa paghulma og usa ka maanindot nga panimalay alang sa mga bata, aron sa sinugdanan pa, mahimong impluensiya ug masalamin sa usa ka bata ang mga bili sa tawhanon ug ispirituhanong kinabuhi nga nagahatud sa matuod nga gugma, hustisya, pag-respetuhanay, ug kalinaw. Gitandog ang naasoyng topiko gumikan usab sa gipadayag sa usa ka Opisyal sa Sangguniang Panglunsod nga “usa sa mga hinungdan kung ngano nga pinaka-nindot nga lugar alang sa usa ka bata ang panimalay mao ang presensiya sa mga inahan.” Gipasabot ni Konsehal Delfin Miones sa iyang pakigpulong sa mga kababayen-an sa Brgy Central alang sa Women’s Month nga hagit sa inahan ang “paghimo sa panimalay nga pinaka-nindot nga lugar sa tibuok kalibutan alang sa mga bata…samtang masinati gayud ang gamhanang papel sa babaye sa luyo sa matag malampusong pagpaningkamot.

Erratum: Please note correction in previous issue’s mention of birthday of the late Fr. Nelson I. Martinez, native of San Isidro (Batobato), Davao Oriental. His year of birth is 1957, not 1954, as inadvertently printed. His funeral took place last March 11 at the newly set Priests’ Cemetery at the St. Pio Garden edge of the Clergy House Compound. Pictorial may appear in next issue.