ASAC mi-responde sa mga biktima sa gubat

ASAC relief operation kauban ang mga volunteers

Isip pagtabang sa mga civilian nga naipit sa gubat tali sa New People’s Army ug military, ang Archdiocesan Social Action Center (ASAC) Davao nagpatawag og relief operation kauban ang mga volunteers.

Sa pakighinabi sa DCHerald, giingon ni Sr. Marissa Arado, TDM, ASAC Coordinator nga adunay upat ka GKK nga sakop sa Mary Help of Christians Parish, Dacudao, Calinan ang namakwit tungod sa gubot nga nahitabo dili pa lamang dugay.

Sa pakig-alayon sa Vicariate Disaster Action Response Team sa San Pablo Parish, gihimo ang packing sa mga relief goods nga ipang-apod-apod sa 250 ka pamilya nga namakwit gikan sa Brgy. Dominga, Calinan nga sakop sa Mary Help of Christians Parish.

Gipanghatag ang maong mga relief goods niadtong Marso 4, didto sa Brgy. Dominga Elementary School sa Calinan, kung asa kasamtangang nagpuyo ang mga namakwit.