Alay Kapwa gilunsad

Gilunsad sa Archdiocese of Davao ang opisyal nga pab-abri sa Tuig sa mga Kabus kon Year of the Poor subay sa pagsaulog sa unang Dominggo sa Kwaresma kon First Sunday of Lent niadtong Pebrero 22.

Ang kampanya sa Alay Kapwa gi-organisa sa Archdiocese of Davao nga gipangulohan ni Most Rev. Romulo Valles, D.D. nga adunay tumong nga pakusgan ug palapdan ang pagtabang sa mga kabus.

Subay sa nahisgutang kasaulogan, magsugod usab ang ika kwarenta ka tuig nga kasaulogan sa kampanya sa Alay Kapwa uban sa pagpadala sa mga Parish Social Action Ministry kon PSAM ug sa mga Pangulo sa Alagad kon PSA nga gikan sa matag Gagmay’ng Kristohanong Katilingban kon GKK sa matag parokya.

Ang PSAM ug PSA maoy mamahimong instrumento sa pag pagpakaylap sa kampanya sa Alay Kapwa Program sa matag parokya ug GKK pinaagi sa pag edukar ug sa pagtigum ug mga limos sulod sa mga plastic bottles gikan sa mga katawhan sa parokya ug GKK.

Ang nahisgutang kalihukan salmotan sa mga parokya sa Archdiocese sa Davao.

Gidapit ang tanan sa pag-partisipar sa naasoy nga kalihukan sa atong santos nga simbahan alang sa kaayohan sa tanan. (Lloyd Labanon)