Unsay himoon nato alang sa mga kabus?

“Ang gugma ni Kristo nag-aghat kanato….”
(2 Kor. 5:14)
Tungod sa dayag ug kusog nga panigingnan ni Jesus ug tungod sa atong kasinatian uban ni Kristo, molihok kita alang sa kalamboan ug kaluwasan sa mga kabus. Ang Ika-2 Konsilyo Plenaryo sa Pilipinas nagpadayag sa 7 ka mga sektor sa sosyedad nga tagaan og spesyal nga pagtagad sa Simbahan. Mao kini sila nga mosunod:

Mga Lumad ug mga Moro

Tabangan nato sila bahin sa ilang mga yutang kabilin aron mapanalipdan ang nahabilin pa nga kabilin. Rispetohon ang ilang kultura ug tinuohan sa Dios. Tabangan nato sila nga makangkon ug saktong edukasyon aron mahalon pa gayud nila ang ilang kultura ug kagikan, apan maalamon sa mga butang sa laing kultura usab. Tabangan nato sila nga mobarog ug magkinabuhi nga gawasnon ug mauswagon, ug makahuluganon, taliwala sa sosyedonad nga lahi sa ilang kultura. Tabangan nato sila nga makaangkon sa higayon nga mougmad ang ilang panginabuhi aron sarang makapahigayon pag-ayo sa ilang mga pamilya ug tribo.

Mga babae ug gagmayng bata

Labing dako nga bahandi ang mga babaye ug gagmayng bata. Moagi kanila ang mayo ug baskog nga kinabuhi sa matag tawo ug sa pamilya. Ilabi na ang mga inahan nga nag-atiman sa mga gagmayng bata, pakabibilhon, suportahan ug amomahon sa tibuok pamilya ug sa sosyedad.
Sumpoon ang padayong pagdaot sa bili sa kababenhan diha sa “human trafficking, prostitution, contraception, abortion, domestic violence, drug addiction, ug sexual abuse and promiscuity, pornography” Ang saktong edukasyon sa mga babaye tagaan ug maayong pagtagad.

Mga batan-on

Kapin sa katunga sa sosyedad, mga batan-on. Tabangan nato sila nga maklaro ang ilang panglantaw sa kaugalingon, padulong sa makahuluganon ug mapusalanon ug mabungahong kaugmaon. Tagaan ug higayon ang tanang batan-on sa malangkobon nga edukasyon nga magpalambo sa ilang lawas, kaalam, ug kalag. Paningkamotan nga ang tang batan-on makaeskwela og sakto.

Mga mag-uuuma

Ang kadaghanan sa mga kabus, anaa sa kabukiran ug kabanikanhan. Mga maguuma. Tabangan nato sila nga maksugakod batok sa epekto sa c’climate change” Tabangan nato sila nga makaangkon og edukasyon bahin sa paguma nga nahiangay sa kapanahonan karon. Ipatunhay ang “collective farming” pinaagi sa pagtabang sa pagorganisa ug farmers cooperative. Bantayan pag-ayo nga ng mga dagkong uma sa kompanya dili makapatay sa mga gamayng maguuma. Ang igong mga “basic services” sa panggamhanan moabot sa kabanikanahan.

Mga mangingisda

Tungod sa nagkagamay sa supply sa isda sa kadagatan, tabangan ang mangingisda nga makaangkon ug laing mga kamaohan aron padayon nga adunay kapanginabuhian ug matubag ang panginahanglan sa pamilya. Ang pagpanalipod sa bahandi sa dagat pakusgon ug palungtaron aron ang sunod nga henerasyon sa mangingisda, aduna pay makuha sa umaabot nga panahon.

Mga kabus sa kalungsuran

Tungod sa kalisod sa kabukiran ug kabanikanhon, daghan ang mingdagsang sa mga kalungsuran aron manginabuhi. Tabangan sila nga makaangkon sa saktong puluy-anan, makapahimulos sa edsukasyon sa ilang mga kabataan. Tabangan sila sa pag-angkon ug maayong kapanginabuhian nga malungtaron ug igong ikabuhi sa pamilya. Ang mga anaa sa kaalaot tungod sa kawad-on, tagaan og alibio aron mahupayan gamay ang kalisadanan.

Mga dunay diperensya sa lawas ug pangisip

Magmat-ngon ug magpakabana kita sa mga amang, bakol, buta, retarded ug lain pang may depirensya, makita,madungog ug mabati nato aron matagaan ug pagtagad ug makaapil sa lihok sa sosyedad. Magtinabangay kita aron dili madugangan pa ang ilang kaalaot, tungod kay dili sila maapil o dili paapilon sa atong mga kalihokan.