Testing lang

“Sa atong panahon karon, kinahanglan na tang mu witness ug mureach-out specially sa mga kabataan. Kinahanglan siya’g involvement sa katilingban especially sa GKK. Diha man gud ta manukad sa pakighalobilo.”

Heidi Silao, 37
Pastoral Worker – MSPC

Dear KNOT,

Usa ako ka pastoral worker ug youth minister.
Sa akong pagka-youth minister, nagatabang ko sa mga batan-on. Usa pud ko ka katekista sa GKK ug nagaserve sa Ascension of the Lord Parish. Nagatabang ko sa formation ministry.
Ang akong istorya nahitabo niadtong 2010, katong baha sa Matina Pangi. I was pregnant for 8 months that time. Grabe akong paningkamot nga dili ko ma-stress basig makaanak kog ahat. Sa pagbaha, nikatkat ko sa atop. Ang akong bana, mama ug ang akong mga igsoon ang akong mga kauban sa atop then ang akong anak kay tua sa pikas atop.
Nigrabe g’yud akong faith, na strengthen jud siya sa panahon nga nagarosaryo mi sa simbahan. Gisuwayan g’yud kung hangtod asa jud.
Pero kahibalo ko na mulabay lang to siya.
Naningkamot g’yud ko nga dili mawad-an ug paglaom. Daghan pud ang nitabang materially sa amua, although ang among mga kabtangan nabasa ug napuno sa lapok, ug ang among balay daghan ang damage. Daghan pud ang mga wala na napuslan.
Inubanan sa akong pamilya ug tibuok katilingban, nag ampo mi, “Lord, spare us from obstacles. Tabangi mi aron maluwas kami.” Kabalo man pud diay ni sila mutawag sa Ginoo. Naminaw lang ko sa ilaha. I was very curious na mutawag g’yud sila ug Ginoo in times of trouble.
Ubay-ubay pud ang restoration sa among panimalay.
Within six months, hinay-hinay nga napauga ang mga gamit. Nakapalit pud mi aron mapulihan ang mga naguba o wa mapahimuslan.
Sa kinaiyahan, aduna pud koy desire nga magpahigayon ug Tree Planting.
I’m very thankful nga naa si Kristo sa akong kinabuhi. Whenever I encounter problems at least naa koy masandalan ug dali maka move on. Dako gayud natabang ang pagtoo ilabi na nga naa nakoy pamilya. Simplify life. Believe.

–Thanks, Heidi