St. Camillus free minor operations

Nagsugod niadtong Nob. 17, 2014 ang libre nga minor operation nga gitanyag sa St. Camillus Hospital of Mati alang sa mga hubag-hubag o cysts, minor surgery sa alom, breast mass for biopsy, infected mole o alom. Gipasabot sa balay tambalanan nga ang maong kalihokan ang agi og pagtamod sa ilahang panlantaw nga makita si Kristo diha sa mga masakiton, ug ikatunol ang usa ka “competent and efficient hospital service” ngadto sa mga pasyente. Gihangyo ang mga interesado nga buot mopahimulos sa maong kahigayunan sa pagkompleto sa mga gikinahanglan nga papeles, sama sa ilang MDR, valid ID o Phil Health ID, ug certification alang sa contribution. Kini usab ang requirement alang sa mga government-employed, OFW, sponsored program, ug lifetime member. Malaumon ang mga nag-alagad sa St. Camillus Hospital of Mati sa pagpanguna sa Congregasyong Camiliano sa mga pari ug madre nga pinaagi sa libre nga operasyon, mapa-abot pa ngadto sa mas daghang mga tawo ang serbisyo sa hospital, giniyahan sa pagdasig sa ilang patron St. Camillus de Lillis, Matigayon ang libre nga minor operation hangtod sa buwan sa Disyembre, 2014.